菁英盃 加碼!和富大埔捧盃獎金60萬

作者:Julie    發表日期:2017-06-01 17:07:02

和富大埔激戰至加時以2比1擊敗香港飛馬,勇奪「富力地產菁英盃」,繼2012至2013年捧走高級組銀牌後再度寫下區隊奪標童話。賽前懸賞40萬港元獎金的和富大埔足球部主席蔡尚圻,賽後加碼至60萬港元,並激勵眾將在聯賽煞科日繼續爭勝,以競逐季後附加賽資格為目標。

和富大埔主帥李志堅去季曾以香港飛馬教練身份捧走菁英盃,惟香港飛馬當時邀得任領隊奇雲邦特入主。「堅爸」賽後激動得連番振臂歡呼,被問到擊敗舊東家捧盃是否會「興奮啲」,他先笑言「興奮啲係因為第二年攞,咁一個攞總好過大家分」,但強調未有一吐烏氣之感:「作為職業足球從業員,需要認同每個球會政策,公司要咁就係咁,唔會有怨氣與怨言,教練員要教球員服從,就要自己做到先。能夠再去挑戰捧盃係好開心,要證明嘅就係證明自己冇揀錯。」

從帶領深水埗初戰甲組,到今年過檔和富大埔,與「堅爸」並肩捧盃的「堅家軍」弟子僅餘今仗擔任隊長的黃威、陳俊樂、李嘉耀及馮慶燁。不過被「堅爸」從大專賽事發掘、現就讀香港教育大學的U22小將梁星耀及趙少維也於菁英盃交出不俗表現,而曾於青年軍時代隨「堅家軍」成長、今季在港甲攻入20球的袁振昇,亦已簽約和富大埔。「堅爸」期望延續育苗宗旨:「係難嘅,畢竟人生有幾多個十年,黃威等人都要栽培十幾年先等到今天,而家見到『阿聰』(梁冠聰)喺南華同方栢倫喺飛馬都有唔錯發展,部分更喺我鼓勵下讀埋大學,起碼對得住人。未來會尋求空間再製造,希望有更多新血加入,一齊繼續圓夢。」


本文來源:http://hk.on.cc/hk/bkn/cnt/sport/20170503/bkn-20170503193850314-0503_00882_001.html




Tag:
本文鏈接:http://www.wedding724.com/9551.html